បន្ទាយមានជ័យ៖ សមត្ថកិច្ចកម្ពុជាបានធ្វើការឆ្មក់ចូលបង្ក្រាបទីតាំងចំនួន ២កន្លែង ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ និងបានរកឃើញជនបរទេសសរុបចំនួន ២៣០នាក់ (ស្រី ៦៨នាក់) ក្នុងនោះមានជនជាតិថៃចំនួន ១២៣នាក់ ដែលសំងំលាក់ខ្លួនលួចធ្វើប្រតិបត្តិការអនឡាញខុសច្បាប់ ។
ដោយក្នុងនោះមានមេក្លោងជាជនជាតិចិន និងស្ថិតក្នុងស្ថានភាពរស់នៅធម្មតា ព្រមទាំងទទួលយកការងារខុសច្បាប់ទាំងនោះដោយស្ម័គ្រចិត្ត។
សូមរំលឹកផងដែរ មុនពេលឈានទៅដល់ការបង្ក្រាបទីតាំងខាងលើនេះ ដោយក្រោមបទបញ្ជាដ៏មុឺងម៉ាត់បំផុតរបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក៏ដូចជាការចង្អុលដឹកនាំដោយផ្ទាល់ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាតជាតិ ។
បច្ចុប្បន្នជនសង្ស័យរួមទាំងវត្ថុតាងខាងលើសមត្ថកិច្ចកំពុងសាកសួរនិងចាត់វិធានការតាមច្បាប់នៃព្រះរាជាណាចក្រកម្ពុជា ៕
