រាជធានីភ្នំពេញ ÷បើយោងតាមការរាយការណ៍មកសារព័ត៌មានរបស់យើងថា ប្រជាពលរដ្ឋឃើញគ្រឿងចក្របានដឹកជញ្ជូនដីតាមរថយន្តជាច្រើនជើងចាប់តាំងពីនៅថ្ងៃទី៦ ខែសីហា ឆ្នាំ២០២៥ ដើម្បីធ្វើការចាក់លើត្រពាំងសហគមន៍របស់រដ្ឋមួយកន្លែង ហើយពួកគេក៏លាន់មាត់គ្រប់ៗគ្នាថា ដីសហគមន៍របស់រដ្ឋមួយកន្លែងនេះកន្លងមកនៅថ្ងៃទី ០៥ ខែមិថុនា ឆ្នាំ២០២៥ មានប្រជាពលរដ្ឋប្តឹងជំទាស់តវ៉ា ដើម្បីជារក្សាត្រពាំងដែលស្ថិតនៅក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ហើយអាជ្ញាធរ និងមន្ត្រីពាក់ព័ន្ធបានធ្វើការផ្អាកសកម្មភាព ។
បន្ទាប់ពីអង្គភាពសារព័ត៌មានយើងបានធ្វើសេចក្តីរាយការណ៍ជូនលោកអភិបាលខណ្ឌសែនសុខ តាមរយះលេខទូរស័ព្ទ លោកអភិបាលបានឲ្យទំនាក់ទំនងទៅលោកចៅសង្កាត់ឃ្មួញ លោកចៅ សង្កាត់គាត់ថា គាត់កំពុងតែមានជំងឺ ការងាររឿងដីនិង ឲ្យទំនាក់ទំនងទៅ ចៅសង្កាត់រងទី១ ចៅសង្កាត់រងទី១បានប្រាប់សារព័ត៌មានយើងថា និងដីមានម្ចាស់ស្របច្បាប់ បើចង់ដឹងមកជួបនៅ សង្កាត់ បន្ទាប់មកមានបុគ្គលម្នាក់ខលមកថាគាត់ជាម្ចាស់ដី មានប័ណ្ណកម្មសិទ្ធិត្រឹមត្រូវ តាំងពីឆ្នាំ ២០០៦ ហើយបើចង់បានលុយ ចាំគាត់អោយ នៅក្នុងនោះគាត់បានបន្តទៀតថា គាត់បានចាយលុយ អោយក្រុមសារព័ត៌មានអស់ហើយ ។
នៅក្នុងករណីម្ចាស់ដី កម្មសិទ្ធិស្របច្បាប់ហេតុអ្វីត្រូវអោយលុយសារព័ត៌មាន នៅក្នុងនោះដែរ យោងតាមបទសម្ភាសន៍ជាមួយប្រជាពលរដ្ឋ នៅតំបន់នោះ បានបញ្ជាក់ថាសារព័ត៌មានយើងថា ប្រជាពលរដ្ឋដែលមានការតវ៉ា បានទទួលលុយមួយចំនួនមានតិចមានច្រើន បច្ចុប្បន្នមិនមាន អ្នកណាគេនិយាយទៀតទេ ចំណែកអាជ្ញាធរនៅទីនេះ ម្នាក់សុទ្ធតែបានដឹង ។
លោក សារិន វណ្ណា ប្រធានមន្ទីររៀបចំដែនដី នគរូបនីយកម្មនិងសុរិយោដីរាជធានីភ្នំពេញ សូមចាត់មន្ត្រីជំនាញ ចុះត្រួតពិនិត្យ អគារខាងលើដោយក្តីអនុគ្រោះ។
អង្គភាពសារព័ត៌មានយើង ស្នើសុំ ឯកឧត្តម ឃួង ស្រេងអភិបាលនៃគណៈអភិបាលរាជធានីភ្នំពេញនិងជាគណៈមាសបញ្ជាការឯកភាពគ្រប់គ្រងសម្បត្តិរដ្ឋសូមមេត្តាចាត់មន្ត្រីជំនាញចុះត្រួតពិនិត្យដោយក្តីអនុគ្រោះ។
មហាជននិងអង្គការសង្គមស៊ីវិល ស្នើសុំ ដល់ឯកឧត្តម សាយសំអាល់ រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ សូមមេត្តាចាត់មន្ត្រីជំនាញ ចុះអធិការកិច្ច សំណង់គ្មានច្បាប់ គ្មានលិខិត អនុញាត សាងសង់រំលោភដីលំនៅដ្ឋាន អ្នកដទៃ ដោយក្តីអនុគ្រោះ ៕
អង្គភាពអ្នកសារព័ត៌មានយើង គ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។
