រាជធានីភ្នំពេញ ÷សេចក្តីរាយការណ៏បឋម)បន្ទាប់ពីក្រុមការងារអង្គភាពសារព័ត៌មានយើង បានធ្វើដំណើរឆ្លងកាត់ ក្លឹបកំសាន្តមួយកន្លែងស្ថិតនៅកែងស្តុប បណ្តោយផ្លូវ ១៨៤ ក្នុងសង្កាត់ជ័យជំនះ ខណ្ឌដូនពេញ រាជធានី ភ្នំពេញ ដែលមានឈ្មោះថា ក្លឹបកំសាន្ត ហ្គោលដិន ហ្សាស់ ដាយណាស្ទី ដែលជា ក្លឹបកំសាន្តនាពេលរាត្រី អាចទាក់ទាញភ្ញៀវទេសចរណ៍ ជាតិនិងអន្តរជាតិ ចូលកំសាន្ត អារម្មណ៍ ដោយរក្សានៅសន្តិភាព។
ប្រជាប្រិយ៍មិត្ត ជាតិនិងអន្តរជាតិ ជាពិសេសជនជាតិចិន ដែលមានគោលបំណង ចូលមកស្តាប់ភ្លេងកំដរអារម្មណ៍ បំបាត់ការនឿយហត់ នាពេលរាត្រី មានសន្តិសុខ ការពារសុវត្តិភាព ជាច្រើននាក់ក្នុងការជួយសម្របសម្រួល ទទួលភ្ញៀវយ៉ាងសកម្ម ដោយមិនអោយប្រជាប្រិយ៍មិត្ត ខកបំណងឡើយ ។
បើយោងតាមក្រុម ការងារនៃអង្គភាពសារព័ត៌មាន បានចុះប្រតិបត្តិការ ចល័ត ធ្វើដំណើរនៅក្នុងបរិវេណខណ្ឌដូនពេញ មានក្លឹបកំសាន្ត មួយចំនួន កំពុងតែយក ផ្លូវសាធារណៈ និងដីចំណីផ្លូវសាធារណៈធ្វើជាចំណតរថយន្ត របស់ភ្ញៀវ ដែលជាអតិថិជន ចូលមកកំសាន្ត ដែលជាហេតុធ្វើអោយផ្លូវ នៅក្នុងបរិវេណខណ្ឌដូនពេញ មានភាពកក់ស្ទះ អាស្រ័យដូចបានជម្រាបជូន ខាងលើ ក្នុងនាមយើងខ្ញុំជាអ្នកសារព័ត៌មាន សូមធ្វើសេចក្តីរាយការណ៍ ក្នុងការជូនដំណឹង ដល់លោក ជា ខេមា អភិបាលខណ្ឌ ដូនពេញ សូមមេត្តា ចាត់មន្ត្រីទទួលផែនសណ្តាប់ធ្នាប់ ចុះបំពេញកាតព្វកិច្ច ដោយក្តីអនុគ្រោះ។
អង្គភាពអ្នកសារព័ត៌មានគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ ៕
