ភ្នំពេញ÷ដោយក្តីមេត្តាករុណាដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអនុញ្ញាតឱ្យក្រុមគ្រូពេទ្យ របស់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នាំកុមារា "ស៊ុត រស់" អាយុ៩ឆ្នាំ៥ខែ មានបញ្ហាសាច់ដុំ និងសន្លាក់ ពីកំណើត (Right Achilles tendon lengthening, bilateral equinus, spastic depletion cerebral palsy) ដែលស្នាក់នៅភូមិជីមាស ឃុំព្រែកកកោះ ស្រុកសន្ទុក ខេត្តកំពង់ធំ មកទទួលការព្យាបាលនៅមន្ទីរពេទ្យកុមារជាតិ រាជធានីភ្នំពេញ ។
«សម្តេចធិបតី» និង «លោកជំទាវបណ្ឌិត» ថែមទាំងបានជួយឧបត្ថម្ភនូវរាល់ការចំណាយទាំងអស់ក្នុងការវះកាត់ព្យាបាល ថ្លៃធ្វើដំណើរ និងការចំណាយលើអាហារប្រចាំថ្ងៃជូនកុមារា និងអាណាព្យាបាលផងដែរ។
