ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា បានទទួលជួបពិភាក្សាការងារជាមួយធនាគារអភិវឌ្ឍន៍អាស៊ី និងអ្នកជំនាញការ តាមប្រព័ន្ធអនឡាញ

ភ្នំពេញ ÷នារសៀលថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែឧសភា គ.ស.២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃនិយ័តករមូលបត្រកម្ពុជា (ន.ម.ក.) បានដឹកនាំសហការីទទួលជួបពិភាក្សាការងារជាមួយលោក Ahmad Faris Rabidin អ្នកឯកទេសផ្នែកហិរញ្ញវត្ថុនៃធនាគារអភិវឌ្ឍន៍អាស៊ី (ADB) និងលោក Jason De Mink អ្នកជំនាញការ នៃក្រុមហ៊ុន D2 Legal Technology តាមប្រព័ន្ធអនឡាញ។

កិច្ចប្រជុំនេះមានគោលបំណងដើម្បីពិភាក្សាអំពីវិសាលភាព ផែនការ និងជំហានបន្ទាប់ក្នុងការរៀបចំក្របខ័ណ្ឌបទប្បញ្ញត្តិទ្រព្យឌីជីថលនៅកម្ពុជា។ កិច្ចប្រជុំបានប្រព្រឹត្តទៅដោយរលូន និងប្រកបដោយផ្លែផ្កាខ្ពស់។