(ភ្នំពេញ)៖ អង្គភាពសារព័ត៌មាន"ដើមរាំង"មានការសោកស្ដាយនិងភ្ញាក់ផ្អើលជាខ្លាំង! ក្រោយឃើញលិខិតបំភ្លឺរបស់មន្ទីរបរិស្ថានខេត្តកោះកុង ចុះថ្ងៃទី០៦.០៥.២០២៦។
គឺមានខ្លឹមសារសំខាន់ៗចំនួន៣ចំណុចដូចខាងក្រោម៖
ទី១៖ មន្ត្រីបរិស្ថាននិងអាជ្ញាធរ បានជូនដំណឹងចំនួន៣លើក ឱ្យពលរដ្ឋរុះរើចេញពី"តំបន់ជ្រោះដំណាក់ក្បូន"។
ក្នុងនោះឃើញថា អាជ្ញាធរពិតជាបានជូនដំណឹង និងបណ្ដេញពលរដ្ឋប្រាកដមែន!។
 |
២៖ ពលរដ្ឋថា ពួកគាត់រស់នៅ"តំបន់ជ្រោះដំណាក់ក្បូន"ជាង១០ឆ្នាំមកហើយ.!និងថា មិនព្រមរើចេញ ជាសម្ដីរបស់ពួកគាត់ ពុំមែនជាសម្ដីរបស់"ដើមរាំង"នោះទេ!។
ហើយឃើញថា ពួកគាត់មិនព្រមរើចេញដូចការចុះផ្សាយប្រាកដមែន.!។
ដែលជាហេតុនាំឱ្យ អាជ្ញាធរចំរុះចុះរុះរើដោយបង្ខំ កាលពីថ្ងៃទី០៥.០៥.២០២៦។
និងទី៣៖ ពលរដ្ឋថា មន្ត្រីតែងតែធ្វើទុក្ខបុកម្នេញ ហើយបានចាប់ទាញដៃស្ដ្រីកូនខ្ចីម្នាក់ និងស្នើដល់ថ្នាក់ដឹកនាំដើម្បីជួយអន្តរាគន៍ កុំឱ្យអាជ្ញាធរខេត្តកោះកុង បណ្ដេញពួកគាត់ចេញពី"តំបន់ជ្រោះដំណាក់ក្បូន"ក៏ជាសម្ដីរបស់ពលរដ្ឋដែរ ពុំមែនជាសម្ដីរបស់"ដើមរាំង"ឡើយ!!។
*ហេតុនេះ"ដើមរាំង"សង្ឃឹមថា មន្ទីរបរិស្ថានខេត្តកោះកុង នឹងធ្វើការស្វែងយល់បន្ថែមទៀតអំពីខ្លឹមសារនៃអត្ថបទរបស់"ដើមរាំង"។
ជៀសវាងការមិនយល់! ហើយចោទប្រកាន់មកលើ"ដើមរាំង"ទាំងបំពាន បណ្ដាលឱ្យប៉ះពាល់កិត្តិយសសេចក្ដីថ្លៃថ្នូររបស់អង្គភាពសារព័ត៌មាន"ដើមរាំង"។
 |
ពុំមែនស្ដាប់តែម្ខាង រួចចុះផ្សាយទាំងងងឹតងងុល ដោយគ្មានការត្រួតពិនិត្យនោះទេ..!!។
ជាក់ស្តែងៈ នៅមុនពេលចុះផ្សាយ"ដើមរាំង"ក៏បានទំនាក់ទំនងទៅកាន់លោក ហ៊ុន ម៉ារ៉ាឌី ប្រធានមន្ទីរបរិស្ថានខេត្តកោះកុងទៀតផង ប៉ុន្តែលោកបានបដិសេធមិនបំភ្លឺ!។
 |
*លោក ចាន់ ថន នាយកប្រតិបត្តិនៃគេហទំព័រ"ដើមរាំង"បានអះអាងថា ការបំភ្លឺរបស់មន្ទីរបរិស្ថានខេត្តកោះកុង គឺមិនអាចទទួលយកបានឡើយ!។
ដោយលោកចាត់ទុកថា នេះជាការបំភ្លឺបែបទម្លាក់កំហុស.លាបពណ៌ ធ្វើឱ្យមហាជនបាត់បង់ជំនឿចិត្តលើស្ថាប័នសារព័ត៌មាន ព្រមទាំងបំពានសិទ្ធិអ្នកសារព័ត៌មាន ដែលកំពុងបំពេញវិជ្ជាជីវៈបម្រើផលប្រយោជន៍សង្គម ក្នុងនាមជាអ្នកនាំសារផងដែរ។
លោក ចាន់ ថន បន្តថា"ដើមរាំង" ចុះផ្សាយ ដោយមិនបំពានសិទ្ធិអ្នកដទៃមិនបំភ្លៃការពិត រាល់ការផ្សព្វផ្សាយទាំងអស់ គឺយោងទៅតាមប្រភពច្បាស់លាស់ ពុំមែនជា(ប្រភពអនាមិក)!។
*លោកបន្ថែមថា បើយើងចុះផ្សាយមានប្រភពក្នុងដៃហើយ ប្រសិនជាមន្ត្រីខិលខូចមួយក្ដាប់តូច មានចេតនាអាក្រក់ ចង់ប្ដឹងបំបាក់ស្មារតីសារព័ត៌មាន"ដើមរាំង"នោះ។
អង្គភាព"ដើមរាំង"នឹងមិនតក់ស្លត់ឡើយ ដោយបង្ហាញឯកសារភស្តុតាងនៃប្រភព ដើម្បីដោះបន្ទុក និងប្ដេជ្ញាតតាំងក្ដីទាំង៣សាលា ក្នុងបំណងទាមទាររកភាពស្អាតស្អំមកវិញ.!!។
ចៃដន្យប្រសិនបើបណ្ដឹងរបស់មន្ត្រីខិលខូច ត្រូវបានតំណាងអយ្យការសម្រេចតម្កល់រឿងទុកឥតចាត់ការ ឬតុលាការទម្លាក់បទចោទ..!។
គឺតំណាង"ដើមរាំង"នឹងប្ដឹងបកវិញតាមមាត្រា៣១១និង៣១២នៃក្រមព្រហ្មទណ្ឌ ដោយគ្មានការលើកលែងឡើយ៕
