ខេត្តសៀមរាប៖ ប្រជាពលរដ្ឋរស់នៅក្នុងផ្សារដើមក្រឡាញ់ស្ថិតនៅក្នុងភូមិត្រពាំងសេះសង្កាត់គោកចក ក្រុងសៀមរាប បានសម្តែងការព្រួយបារម្ភយ៉ាងខ្លាំង ចំពោះការបើកដំណើរការទីតាំងល្បែងស៊ីសងខុសច្បាប់ (ឆ្នោតវៀតណាម) ដែលមានមេកញ្ច្រែងឈ្មោះ លោក ហ៊ុយ កំពុងតែអូសទាញពលរដ្ឋញៀនល្បែងឱ្យលេងជារៀងរាល់ថ្ងៃ។
ដោយយោងតាមប្រភពព័ត៌មានពីប្រជាពលរដ្ឋក្នុងមូលដ្ឋានបានឱ្យដឹងថា ទីតាំងកន្ទុយលេខ ឬឆ្នោតវៀតណាមខុសច្បាប់របស់ លោក ហ៊ុយ នេះ បានបើកដំណើរការយ៉ាងរលូន ដោយគ្មានការកោតញញើតច្បាប់ទាល់តែសោះ។ ដែលបង្កការរំខាន និងធ្វើឱ្យប៉ះពាល់ដល់សន្តិសុខ សណ្តាប់ធ្នាប់សាធារណៈនៅក្នុងមូលដ្ឋាន។
ប្រភពបានបន្តថាប្រហែលជាមានការត្រូវរូវគ្នាពីអាជ្ញាធរ និងសមត្ថកិច្ចនៅក្នុងមូលដ្ឋានជាថ្នូរនឹងលាបសក្ការៈផ្សេងៗហើយបានជាមិនធ្វើការបង្ក្រាបបែបនេះ!
គូសបញ្ជាក់ថាល្បែងស៊ីសង គឺជាដើមចមចម្បងដែលបង្កើតឱ្យមានបទល្មើសផ្សេងៗ ដូចជា អំពើចោរកម្ម ចោរលួច ចោរឆក់ និងអំពើហិង្សាក្នុងគ្រួសារ ដែលធ្វើឱ្យពួកគាត់រស់នៅទាំងភ័យខ្លាច ផ្ទុយពីគោលនយោបាយ «ភូមិ ឃុំ សង្កាត់ មានសុវត្ថិភាព» របស់រាជរដ្ឋាភិបាល។
សម្រាប់បណ្ដាញនៃប្រព័ន្ធផ្សព្វផ្សាយសារព័ត៌មានរបស់យើងក៏កំពុងរង់ចាំទទួលព័ត៌មានបន្ថែមចេញពីប្រភពពាក់ព័ន្ធទាំងឡាយជាបន្តបន្ទាប់តទៅទៀត ដើម្បីចូលរួមទប់ស្កាត់រាល់អ្វីដែលនាំឱ្យមានការខាតបង់ដល់ចំណូលជាតិ ។
ជុំវិញនឹងការចុះផ្សាយខាងលើ អង្គភាពយើងខ្ញុំ ធ្វើការផ្សាយទៅតាមវិជ្ជាជីវៈអ្នកសារពត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ ព្រមទាំងរង់ចាំទទួលការបកស្រាយ ពីភាគី ស្ថាប័នពាក់ព័ន្ធ រៀងរាល់ម៉ោងធ្វើការ សូមអគុណ៕
