រាជធានីភ្នំពេញ ÷ បើយោងតាមការរាយការណ៍មកសារព័ត៌មានរបស់យើងថា ប្រជាពលរដ្ឋឃើញគ្រឿងចក្រ បានដឹកជញ្ជូនដីតាមរថយន្តជាច្រើនជើងចាប់តាំងពីនៅថ្ងៃទី៦ ខែសីហា ឆ្នាំ២០២៥ ដើម្បីធ្វើការចាក់លើត្រពាំងសហគមន៍របស់រដ្ឋមួយកន្លែង ហើយពួកគេក៏លាន់មាត់គ្រប់ៗគ្នាថា ដីសហគមន៍របស់រដ្ឋនេះកន្លងមកនៅថ្ងៃទី ០៥ ខែមិថុនា ឆ្នាំ២០២៥ មានប្រជាពលរដ្ឋប្តឹងជំទាស់តវ៉ាដើម្បីជារក្សាត្រពាំងដែលស្ថិតនៅក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ហើយអាជ្ញាធរ និងមន្ត្រីពាក់ព័ន្ធបានធ្វើការផ្អាកសកម្មភាពនៃការរំលោភដីត្រពាំងរបស់រដ្ឋមួយកន្លែងនេះរួចទៅហើយ។ ក៏ប៉ុន្តែពេលនេះគេក៏ឃើញមានសកម្មភាពគ្រឿងចាក់ដឹកជញ្ជូនដីមកចាក់លើទីតាំងខាងលើនេះជាបន្តទៅទៀតខណៈដែលរាជរដ្ឋាភិបាល មន្ត្រីរាជការ ឬអង្គការសង្គមស៊ីវិលជាច្រើនទៀតកំពុងតែមមារញឹក និងរវល់ជាប់កិច្ចការងារដ៏សំខាន់ក្នុងការដោះស្រាយទំនាស់ដើម្បីស្វែងរកសន្តិភាពបន្ទាប់ពីមានការផ្ទុះសង្គ្រាមរវាងកម្ពុជានិងថៃ ដែលប្រទេសថៃមានការឈ្លានពានមកកម្ពុជា តែទីបំផុតកម្ពុជាត្រូវបានអន្តរជាតិដល់នូវភាពត្រឹមត្រូវចំពោះកម្ពុជា។
តែទោះបីជាយ៉ាងណាក៏ដោយប្រជាពលរដ្ឋគ្រប់មជ្ឈដ្ឋាន គ្រប់ទិសទីដែលបានឃើញនូវសកម្មភាពទាំងអស់នេះ សូមផ្ដល់សេចក្តីជូនដំណឹងជូនទៅដល់រដ្ឋបាលខណ្ឌសែនសុខ និងមន្ត្រីជំនាញពាក់ព័ន្ធទាំងអស់សូមមានវិធានការចំពោះសកម្មភាពទាំងអស់នោះដើម្បីបញ្ឈប់ឬក៏មានការអនុវត្តច្បាប់ណាមួយក្នុងការកំណត់នូវវិធានការនានាមួយចំនួនដើម្បីឲ្យមានការគោរពច្បាប់ដូចៗគ្នា និងជៀសវាងមតិរិះគន់ជាសាធារណៈថាការមិនបានអើពើចំពោះទីតាំងដីត្រពាំងដែលស្ថិតនៅក្នុងភូមិបន្លាស្អិត សង្កាត់ឃ្មួញញ សែនសុខ រាជធានីភ្នំពេញដោយមានការចាក់រំលោភបំពានពីបុគ្គលមានលុយមានអំណាច ។
