កណ្តាល÷ អ្នកនាំពាក្យសាលាដំបូងខេត្តកណ្តាល មានកិត្តិយសសូមជម្រាបជូនដល់សាធារណជនមេត្តាជ្រាបថា ៖ នៅថ្ងៃទី៣០ ខែមិថុនា ឆ្នាំ២០២៦ សាលាដំបូងខេត្តកណ្តាល បានទទួលចំណាត់ការលើសំណុំរឿងព្រហ្មទណ្ឌលេខ១៤៩៣ អ.ក ចុះថ្ងៃទី២៧ ខែមិថុនា ឆ្នាំ២០២៦ ដែលមានទាក់ទងនឹងករណីហិង្សាដោយចេតនា និងចាប់បង្ខាំងដោយខុសច្បាប់ ដែលបង្កឡើងដោយជនត្រូវចោទចំនួន៣នាក់ បានជិះរថយន្តម៉ាក Ford ពណ៌ស ពាក់ស្លាកលេខភ្នំពេញ 2BU.5414 បានធ្វើសកម្មភាពចាប់ខ្លួនទៅលើជនរងគ្រោះឈ្មោះ ចាន់ ណារ៉ុង ចេញពីផ្ទះស្ថិតនៅភូមិព្រែកតាកូវ សង្កាត់ព្រែកតាកូវ ក្រុងអរិយក្សត្រ ខេត្តកណ្តាល បានចាប់ក្របួច.កអាវជនរងគ្រោះ ដាក់ចូលទៅក្នុងឡាន និងប្រើប្រាស់ហិង្សាទៅលើជនរងគ្រោះ បន្ទាប់មកបានរួមដំណើរជាមួយជនរងគ្រោះ តាមកំពង់ចម្លងស្វាយជ្រំ លុះជិតដល់ត្រើយម្ខាងជ្រោយចង្វារ ស្រាប់តែជនរងគ្រោះ បានសុំចុះពីលើរថយន្ត ដើម្បីបត់ជើងតូច ខណៈពេលនោះ ជនរងគ្រោះក៏បានលោតចុះពីលើទូកដរ ចូលក្នុងទឹកបាត់ដំណឹងតែម្តង។
ទើបដល់ នៅថ្ងៃទី១៩ ខែមិថុនា ឆ្នាំ២០២៦ បានរកឃើញសាកសពរបស់ជនរងគ្រោះអណ្តែត នៅចំណុចមាត់ច្រាំង ទន្លេមេគង្គ កោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។
បន្ទាប់ពីបានពិនិត្យទៅលើឯកសារ និងភស្តុតាងនានាដែលមាននៅក្នុងសំណុំរឿង ចៅក្រមស៊ើបសួរនៃ សាលាដំបូងខេត្តកណ្តាល បានសម្រេចឃុំខ្លួនបណ្តោះអាសន្នលើជនត្រូវចោទចំនួន ៣នាក់ នៅពន្ធនាគារ ខេត្តកណ្តាល ដើម្បីបន្តកិច្ចស៊ើបសួរតាមនីតិវិធីច្បាប់។
នេះបើយោងតាមឯកសារដែលអង្គភាពយើងទទួលបាន នៅថ្ងៃពុធ ២រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ថ្ងៃទី១ ខែកក្កដា ឆ្នាំ២០២៦ របស់អ្នកនាំពាក្យសាលាដំបូងខេត្តកណ្តាល ។
អាស្រ័យដូចបានជម្រាបជូនខាងលើ សូមសាធារណជនមេត្តាជ្រាបជាព័ត៌មាន ៕
ទើបដល់ នៅថ្ងៃទី១៩ ខែមិថុនា ឆ្នាំ២០២៦ បានរកឃើញសាកសពរបស់ជនរងគ្រោះអណ្តែត នៅចំណុចមាត់ច្រាំង ទន្លេមេគង្គ កោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។
បន្ទាប់ពីបានពិនិត្យទៅលើឯកសារ និងភស្តុតាងនានាដែលមាននៅក្នុងសំណុំរឿង ចៅក្រមស៊ើបសួរនៃ សាលាដំបូងខេត្តកណ្តាល បានសម្រេចឃុំខ្លួនបណ្តោះអាសន្នលើជនត្រូវចោទចំនួន ៣នាក់ នៅពន្ធនាគារ ខេត្តកណ្តាល ដើម្បីបន្តកិច្ចស៊ើបសួរតាមនីតិវិធីច្បាប់។
នេះបើយោងតាមឯកសារដែលអង្គភាពយើងទទួលបាន នៅថ្ងៃពុធ ២រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ថ្ងៃទី១ ខែកក្កដា ឆ្នាំ២០២៦ របស់អ្នកនាំពាក្យសាលាដំបូងខេត្តកណ្តាល ។
អាស្រ័យដូចបានជម្រាបជូនខាងលើ សូមសាធារណជនមេត្តាជ្រាបជាព័ត៌មាន ៕
